Baumfest

 

Geschichte geschrieben von den Kindern der 4. und 5. Klasse

 

 

 

Kind 1 und 2: Guitn Morgn Sepp, guitn Morgn Lois!

 

Kind 3 und 4: Guitn Morgn!

 

Kind 1: Mir hom heint gsechn die Schuila in Wold umme gion! Wos de sebm tion?

 

Kind 3: I kanntos et sogn. Do mioßmo die Zenze frogn.

 

Kind 3 und 1: Du Zenze, wuasch du wos die Schuila heint tion? Mir hobmse gsechn in Wold umme gion.

 

Kind 5: I on mi a schun gfrog wos do heint giat, weil sogor do Opl fan Direkta inj Obovintl stiat. Obo do kimp die Moidl. Diese Frau wuaß olm olls gonz ginau.

 

Kind 1,3 und 5: Du Moidl, mir hobm heint gsechn die Schuila im Wold umme gion, wuasch du wos de sebm tion?

 

Kind 6: Schau schau, i wuas des gonz ginau. Heint ischs wido soweit, es isch Baumfeschtzeit.

 

Kind 4: Jo ginau, se wiert sein. Weil die Förschtna onne a schun gsegn ban Dorflodn die Brote aulegn.

 

Kind 2: Und in Pforra onne a schun kiart redn. Er muss sich schlein, weil die Bamlan brauchn unbedingt in Segn.

 

Kind 6: Isch do Bürgameischto a heint dobei, weil wenna Zeit hot kimpa zin an sellan Unloss glei.

 

Kind 2: Des sein no Zeitn giwessn bol mir olla no in die Schuilbanklan sein gsessn.

 

Kind 4: Des isch jo schun 40 Johr her obo s`Bamfescht freit olla no sehr.

 

Kind 5: Und des Liodl wosmo sebm gsung om konne olm no, a wenns her isch soffl viel Johr.

 

Kind 4: Jo sebm kanntmos wol sing, schaugn ob mir no die rischtigin Töne fin.